KIA Dap Dung (5) grup yin na mung shawa hpyen yen tsin yam hkrum nga.

 ေကအိုင္ေအ တပ္ရင္း (၅) ၀န္းက်င္က ျပည္သူေတြ စစ္ေၾကာင့္ ဒုကေရာက္ေနၾကရတဲ့ သတင္းပါ

Kachinnet 2011 June 28 ya.

Lai wa sai June 17 ya shani hkying 1:30 pm aten kawn, Mung Nyang Ginwang, Masat (5) Dap Dung hte Hk.L.Y (141,142) gasat gala majan byin ai shani kaw nna, Masat (5) Dap Dung hte ni kahtep ai buga  mare masha ni hpyen hprawng, koi yen nam rawng tsin yam hkrum nga ai lam hpe chye lu ai.

Hpyen yen hprawng ai buga masha ni gaw mare dum nta, yi sun hkauna, htinghput htingra, dusat yam nga yawng kabai kau n htawm mare kaman tawn kau da ai mare ni gaw Ban Dang Mare, Pang Hkawn Yang Mare, Lawt Awng Mare, Htaira Yang Mare, Hka Brawng Mare, Da Wai Mare, Sut Nu Kawng ni rai nga ai hpe chye lu ai.

Ya aten ndai mare kahtawng ni kawn hpyen hprawng koi yen hkawm ai Mung shawa masha ni gaw, nam mali hkan matsan mayan hkrum, malu masha tsi mawan yak hkak nga ai lam hpe chye lu ai.

Lai wa sai June 12 ya hta KIO Moenyin Kyit Hkai Rung kaw magam gun nga ai Salang Kaba Nangzing Nan Shawng hpe Myen Moenyin Balik Dap gaw shana hkying 12:00 pm aten sa rim la nhtawm June 21 ya shana, hkying 12:30 am aten Moenyin Tsi rung kaw si mat wa sai, moi mang hpe Moenyin Htunghkying salang ni kawn June 22 ya shani makoi mayang galaw ya  sai lam hpe na chye lu ai.

Source :http://www.kachinnet.net/NEWS/Nwes2011/News/June-July/D%205%20tsinyam.html