KIO/A hpe garum ai ni sadi jaw lam n nga sat hkrum na

 ေကအိုင္ေအ အစိုးရနဲ႔ သူရဲ့ အဖြဲ႔ေတြကို အားေပးေထာက္ခံတဲ့ မည္သူမဆို "သတိေပးျခင္းမရွိဘဲ ေသဒဏ္ခ်ခံရမယ္" ဆိုတဲ့အေၾကာင္းကို ရွမ္းျပည္ေျမာက္ပိုင္းက ျမန္မာ စစ္ဗိုလ္ တဦးေျပာဆိုခဲ့တဲ့ သတင္းပါ။

 KIO/A hpe garum ai ni sadi jaw lam n nga sat hkrum na 

Tuesday, 28 June 2011 15:21 KNG 

 

Wunpawng Mungdan Shawnglawt Hpung/Hpyendap (KO/A) hte myit rum hpung ni hpe madi shadaw ai mung masha ni yawng kadai raitim, ‘sadi jaw ai lam n nga si ari jaw na lam’ hpe Lahta Sam mung e Myen hpyendu langai tsun wa sai re.

Sam mung dingdung daw kaw nga ai, Tamonye mare daju Hka-La-Ya masat 290 a dap up Lt-Col Tsu Shwi (Soe Shwe) kawn Muse ginwang kaw nga ai, Mung Hkawm hte Mung Baw N’gawn hpyen hpung (Pyitusit) ni hpe shaga hkrum ai shaloi tsun wa ai re lam, n’gawn hpyen shiga lawk tsun wa ai.


Myen hpyendu a ga na ai ni tsun ai hta, KIA hte dap hpawm ni hpe, lusha jarit madi shadaw ai, shat shadu jaw ai, shiga jaw ai mung masha kadai raitim ‘sadi jaw ai lam n nga ai sha kalang ta si ari jaw hkrum na re lam, zuphpawng hta tsun wa sai re nga ai.

KIA hte Myen asuya kawn 1994 hta gap hkat jahkring ai hpang, ndai zawn, Myen hpyendu ni kawn, N’gawn hpyen hpung ni hte, mung shawa ni hpe jahkrit shama, sadi jaw ga tsun wa ai gaw, shawng nnan lang re lam chye lu ai.

Lahta Sam mung e nga ai KIA laksan Dap Ba 4 gaw Mungji makau, Loikang kaw daju ai rai nna, de a npu dapdung 2, 8, 9, 17 hte 29 ni nga ai re.

Ya ten Lahta Sam mung e n’gawn hpyen hpung 10 jan nga ai hte, dai ni gaw, kani hpaga galaw ai, Miwa myusha ni hte hpaw ninghtan tawn ai rai nna, lagu lagut hpaga galaw sha nga ai, Miwa hpaga la ni hte, Myen asuya kawn madi shadaw da ai rai nga ai.

N’gawn hpyen ni kaw lawm ai Miwa amyusha ni gaw, June praw 9 Myen hte KIA lapran majan bai byin wa ai hpang, Munggu makau a man Miwa hkran Manghai de koi yen ai lam ni mung nga nga sai lam, Munggu buga salang langai tsun ai.

Source : http://kachinnews.com/kachin/shiga/1833-kioa-hpe-garum-ai-ni-sadi-jaw-lam-n-nga-sat-hkrum-na.html