စစ်ပြေးဒုက္ခသည်များကို ကူညီရန် ကချင်များ ဆန္ဒပြ
ကိုပေါက် | သောကြာနေ့၊ ဇွန်လ ၂၄ ရက် ၂၀၁၁ ခုနှစ် ၁၄ နာရီ ၅၅ မိနစ်နယူးဒေလီ (မဇ္ဈိမ) ။ ။ ကချင်ပြည်နယ်တွင် အစိုးရ ထိုးစစ်ကြောင့် ထွက်ပြေးနေရသည့် စစ်ပြေးဒုက္ခသည်များကို
နိုင်ငံတကာ အကူအညီပေးရန် အိန္ဒိယနိုင်ငံ နယူးဒေလီရှိ ကချင်ဒုက္ခသည်များက သောကြာနေ့တွင် တောင်းဆို ဆန္ဒပြခဲ့ကြသည်။
မနက် ၁၁ နာရီမှ နေ့လည် ၁ နာရီထိ မြို့လယ် ဂျန်တားမန်တားအရပ်၌ ပြုလုပ်ခဲ့သည့် ဆန္ဒပြပွဲ၌ ကချင်များအပြင် ချင်း၊ ရခိုင်နှင့် ဗမာဒုက္ခသည်များလည်း ပါဝင်ရာ အင်အား ၁၂ဝ ကျော် ရှိသည်။
စစ်ပြေးဒုက္ခသည်များကို နိုင်ငံတကာ အကူအညီပေးရန် နယူးဒေလီရှိ ကချင်ဒုက္ခသည်များက တောင်းဆို ဆန္ဒပြ ...
တောင်းဆိုချက် ၆ ချက်မှာ ဖမ်းဆီးနှိပ်စက် မုဒိမ်းကျင့်မှုများ ရပ်တန့်ရန်၊ ကချင်ပြည်နယ်အတွင်း ထိုးစစ်ဆင်မှုများ ရပ်ဆိုင်းရန်၊ စစ်တပ်ကျောထောက်နောက်ခံ အစိုးရကို နိုင်ငံတကာ အသိအမှတ်မပြုရန်၊ တိုင်းရင်းသား ဒေသများ အပေါ် နှိပ်စက်ညှဉ်းပန်းမှုများ ရပ်တန့်ရန်၊ တိုင်းရင်းသား ဒေသများတွင် ထိုးစစ်ဆင်မှုများ ရပ်ဆိုင်းရန်နှင့်
ပြည်တွင်းစစ်ကြောင့် ထွက်ပြေးနေကြရသည့် စစ်ပြေးဒုက္ခသည်များကို နိုင်ငံတကာ ကူညီရန်တို့ ဖြစ်သည်။ အဆိုပါ တောင်းဆိုချက် ၆ ချက်ပါ စာချွန်လွှာအား ဆန္ဒပြသူများက အိန္ဒိယဆိုင်ရာ မြန်မာအစိုးရ သံရုံးသို့ ပေးပို့သွားမည်ဖြစ်သည်။
ထိုင်းနိုင်ငံအခြေစိုက် ကချင်အမျိုးသမီးအစည်းအရုံး၏ ဇွန်လ ၂၁ ရက်နေ့ ထုတ်ပြန်ချက်အရ ဇွန်လ ၁ဝ ရက်နေ့မှ ၁၈ ရက်နေ့အတွင်း ကချင်ပြည်နယ်တွင် အစိုးရတပ်များ ထိုးစစ်ဆင်ရာ လမ်းကြောင်းတလျှောက်၌ ကချင်အမျိုးသမီး ၁၈ ဦး အဓမ္မပြုကျင့်ခံရပြီး ထိုအထဲမှ ၄ ဦး အသတ်ခံခဲ့ရကြောင်း ဖော်ပြပါရှိသည်။
ဇွန်လ ၉ ရက်နေ့မှ စတင်ခဲ့သည့် ကချင်လွတ်မြောက်ရေးအဖွဲ့ KIO နှင့် အစိုးရအကြား ဆက်ဖြစ်နေသည့် စစ်ပွဲများကြောင့် စစ်ပြေးဒုက္ခသည် ၁၃ဝဝဝ ကျော်မှာ KIO ထိန်းချုပ်ရာ လိုင်ဇာမြို့သို့ ခိုလှုံရောက်ရှိနေသည်။
အိန္ဒိယဘက်သို့လည်း ဒုက္ခသည်များ ထွက်ပြေးရောက်ရှိလာနိုင်ကြောင်း KRC က ခန့်မှန်းသည်။ နယူးဒေလီတွင် ကချင်ဒုက္ခသည် ၄ဝ ကျော် ရှိသည်။
အိန္ဒိယသာမက ဗြိတိန်၊ ဒိန်းမတ်နှင့် နော်ဝေအပြင် ကမ္ဘာ့နိုင်ငံအချို့ရောက် ကချင်အမျိုးသားများလည်း တပြိုင်တည်း ဆန္ဒပြနေကြောင်း သိရသည်။
http://www.mizzimaburmese.com/news/regional/7806-2011-06-24-08-28-24.html
No comments:
Post a Comment