Kachin Center Ndau shabra laika

Nhtoi : 21^st JUNE, 2011

De,

Jinghpaw Wunpawng Amyu Sha ni

Mungdan shagu

Hkawp hkungga let mungdan shara shagu kaw chyam bra nga ai Jinghpaw Wunpawng Amyu sha ni yawng hpang de anhte Kachin Center ,Chiangmai, Thailand ni kaw nna shakram dat ga ai.

Myen gumshen asuya a je hpre nna, ma ja gasat sa wa ai lam a majaw anhte Jinghpaw mung, sam mung lamu ga jarit hkan nga ai anhte a sin dun Jinghpaw Wunpawng Amyu Sha ni tinang a dum nta htingbut htingra ni hpe kau da nna, hpyen  wa a sharu shatsang ai lam kaw nna hprawng yen nga ma ai lam hpe kata shiga, mungkan shiga dap ni hku nna na chye lu na sai hpe kam ai.

Ndai zawn yak hkak hkrum nga ai Jinghpaw Wunpawng Amyu Sha ni hpe tinang KIO/KIA ni hte ni nawn ai NGO wuhpung ni hku nna mung, dang di dang dep ai daram shara jahkrat, yu lajang nga nga sai re. Hprawng shang wa ai buga de na tsin yam masha ni mung majan hta hkan nna lani hte lani law wa nga sai lam shiga na lu ai.

Ndai zawn rai lam ni hpe ta tut lit la galaw nga ai wuhpung ni, mung shawa ni hpe tup hkrak rai garum ningtum jaw lu na matu gaw grai ahkyak nga ai hte, grau nna htuk manu pri nem ai hku galaw lu na matu, anhte Mungdan shara shagu kaw du nga ai Jinghpaw Wunpawng Amyu Sha ni yawng n gun mi alu rai garum ningtum jaw mat wa ai lam hta madung na re.

Tinang du nga ai Mungdan ni hta tinang lu ai made, ladat shaw, atsam dat garum ningtum jaw nga ai lam ni hpe mung na chye lu ai. Matut nna mung garum ningtum jaw ai lam hpe grau nna masan sa ai hku mahkrun shapraw sa wa lu na matu,  anhte Kachin Center, Chiangmai, Thailand ni hku nna lit la nna, Amyu hkye, Mung hkye fund hpe hta shinggyin la htawm, buga ginra kaw lit la galaw nga ai, wuhpung ni hpe masing hkrak rai shalai ya mat wa na matu shajin da, lajang da ga ai.

Dai majaw du na ra ai aten hta anhte Jinghpaw Wunpawng Mungdan hpe asak apnawng makawp maga nga ai  tinang KIO/KIA myit rum ni hte, hpyen gumshem a majan a majaw hkala nba, tsim yam hkrum nga ai Jinghpaw Wunpawng Amyu Sha ni yawng hpe garum ningtum jaw yang, dinghkrai hku mi rai rai, wuhpung wuhpawng hku mi rai rai, anhte Kachin Center, Chiangmai de matut mahkai galaw sa mat wa na matu hkungga let lajin dat ga ai.

Hkye Fund ni hpe lawu na Bank Account kaw bang ya na hte contact person hpe mung shalawm dat ai.

Bank Information Urgent Relief fund

ABA/SWIFT Code:           BKKBTHBK

Account Number:             675-007649-6

Account Name:                RENU TUNGPAO

Bank Name:                    Bangkok Bank

Bank Branch:                  Ruam Choke  

Matut mahkai mying:                      Shd. Bau La Doi

                                                            +66 (0) 810310230

                                                      Patrick

                                                            +66 (0) 806765383

Matut mahkai E-mail:                      Kachincenter@gmail.com