KIA hte Mungbaw pyi-tu-tsit gap hkat hkra, Myen asuya shakut

Lahta Sam mung Mungbaw Pyi-tu-tsit uhpung hte KIA lapran, shada hpyen tai gap hkat wa hkra Myen asuya gaw KIA hking dagraw nna, Pyi-tu-tsit dap hpe mara tam nga ai lam, Pyi-tu-tsit kata shiga tsun ai .

KIA uniform hpun ai Myen hpyenla ni gaw, “n’gawn hpyen (pyi-tu-tsit) hpung de ni kahtep jahte tam ai ladat” hte KIA hte n’gawn hpyen lapran manghkang byin hkra hpajang nga ai re lam, n’gawn hpyen shiga lawk tsun ai.

Oct.31 ya shani mung KIA hpyen palawng hpun ai Myen hpyenla 10 jan gaw Mungbaw ginra Ying Seng mare hta n’gawn hpyen dap makau de azim sha lai shang ai lam ni galaw wa sai re.

“Shada da gap hkat na matu lam galaw ai re” nga, Mungbaw pyi-tu-tsit hta lawm ai hpyenla langai tsun ai.

Du Kying hte kanau Du Mun woi awn ai Mungbaw n’gawn hpyen hte KIA lapran, gap hkat ai lam n nga ai hpe Myen asuya hku nna manghkang n byin byin hkra galaw shakut nga ai re lam, pyi-tu-tsit hpyenla ni tsun ai.


Sources from http://kachin.kachinnews.com/shiga/1981-kia-hte-mungbaw-pyi-tu-tsit-gap-hkat-wa-hkra-myen-asuya-shakut.html