Kachin Center gaw Htai mungdan daju, Jinghpaw Wunpawng amyu shayi hpung (KWAT) kaw nna, 2009 Ning hta woi galaw ai, Kachin Community Exchange zuphpawng hta, “Anhte Jinghpaw Wunpawng myu sha ni gaw, Myu sha magam bungli lam shagu hta myit hkrum mang rum let bungli rau jawm galaw sa wa ra sai” ngu ningmu hpe mahta nna, 2010 Ning, March shata e kalang bai galaw ai No (2) lang na Kachin Community Exchange zuphpawng kaba hta Kachin Center hpe, Htai mungdan, Chiangmai mare kaba hta myit hkrum hpaw ninghtan da ai re.
Kachin center nnan hpaw hpang ai ten madung myit ai lam gaw, Mungdan kata mayak mang hkang ni byin pru wa ai ten, garum ai lam hta woi awn lu na matu hte mungdan shara shagu e chyam bra nga ai Jinghpaw Wunpawng myu sha ni hpe matut mahkai ai lam hta garum shingtau lu na matu madung yaw shada let, hpaw ninghtan wa ai re.
Kachin Center a Madung manu shadan ai lam, Yaw shada ai lam hte Shingran bandung ni gaw lawu na hte maren re.
CORE VALUES (Madung Manu shadan ai lam)
Mungkan pyinra hta Jinghpaw Wunpawng myusha ni myithkrum kahkyin gumdin ngang grin nga lu na
CORE PURPOSE (Madung Yaw shada ai lam)
Jinghpaw Wunpawng myusha maka (Identity, culture, literature) tut nawng grin nga na matu
VISIONARY GOALS (Madung shingran Bandung)
(1) Mungkan shara shagu chyam bra nga ai Jinghpaw Wunpawng myusha ni a matut mahkai ginra lu byin hkra (Contact Center)
(2) Jinghpaw Wunpawng myusha ni a byin da masa hpe jaw ang ai hku mungkan shagu chyam bra nga ai JW amyu sha ni hpe gin len ya lu na matu (Net working Center)
(3) Jinghpaw Wunpawng myusha ni hte seng maseng lam ni yawng hpe, lu jaw ai shara byin lu na matu (History, culture, Literature) (Information Center)
No comments:
Post a Comment